.png)
DOMUSA TEKNIK enpresak, ur beroa eta berokuntza ekoizteko produktuetan liderrak, EVOLUTION SOLAR HFD eguzki galdara hibridoa aurkezten du. Galdara hibrido hauek irtenbide ezin hobea dira ur bero sanitarioa ekoizteaz gain berokuntza behar duten instalazioetarako.
Eguzki energiaren galdara, eguzki energia aprobetxatzeko.
EVOLUTION SOLAR HFD eguzki-gasolio galdara hibridoak eguzki energia eta gasolio errekuntzatik datorren energia aprobetxatzen ditu, multzo bakarrean.
Eguzki-gasoliozko galdara hibrido hauen gama egokitu egin da Erp Europar Zuzentarau berriak errendimenduari eta etiketatzeari lotuta ezartzen dituen eskakizun eta betekizunetara.
Eguzki-gasoliozko galdara hibrido honek eguzki erradiazioak erabiltzen ditu 150 litroko depositu bat berotzeko eta etxeko ur beroa emateko, ia batere kosturik gabe, betiere eguzkitik datorren energia baldin badago.
EVOLUTION SOLAR HFD galdararekin eguzki energia erabiltzeak dakarren aurrezpenaz gain kontsumoa gehiago murrizten da.
Eguzki-gasoliozko galdara hibrido honek eguzki panelak automatikoki husteko daraman sistemarekin ezinezkoa da eguzki ekarpena eskatzen dena baino handiagoa izatea. Horrela ekiditen dira panelek eduki ditzaketen narriadurak. Eta hori bero kanporatzeko sistema konplexuak instalatu beharrik gabe edo panelak estali beharrik gabe.
Galdarak 150 litroko eguzki metagailu bat dauka, eta metagailu horri esker kontsumo puntu bat baino gehiago erabili ditzake, betiere eguzki energia metatuta baldin badago.
EVOLUTION SOLAR HFD eguzki galdara hibridoa Etxeko Ur Beroaren ekoizpenerako eta berokuntzarako irtenbidea da, eta 2 energia mota posible erabiltzen ditu, 2 gailu desberdin eduki beharrik gabe.
Sistemak goi errendimenduko eguzki panelak dauzka, eta energia bikain aprobetxatzen du. Panel horiek ez ezik kondentsazio teknologia dauka, eta teknologia horrekin %30 ere aurreztu daiteke erregaian, ohiko galdara baten aldean.
Eguzki energiaren zirkulazio orekatzen den unetik, sistemaren ponpetako bat gelditu egiten da eta kontsumo elektrikoa %50 murrizten da horrela.
Bere diseinua dela eta, ez da beharrezkoa espantsio ontzirik, purgagailurik eta magnesio anodorik erabiltzea eguzki zirkuituan, instalazioa eta zaintza erraztuta.
