FUSION HT

Dena batera duen Fusion HT modulu hidraulikoak berokuntza, hozkuntza eta ur bero sanitarioa instalatzeko behar den ekipamendu osoa dauka.

Ekipamendua
FUSION HT moduluak duen ekipamendu osoak instalazioa errazten du eta behar den espazioa murrizten du. Nabarmendu genitzake Ur Bero Sanitarioaren segurtasun multzoa, Ur Bero Sanitarioaren espantsio ontzia, hiru bideko balbulak edo erresistentziarako hargunea duen laguntzako lurrun andela.

Herdoilgaitza
Fusion HE metagailuak altzairu herdoilgaitzez daude eginda, eta higiene eskakizun zorrotzenak betetzen dituzte. Gainera, material horrek transmisio koefiziente handia dauka, zeinari esker etxeko ur beroa ekoizteko ahalmen handia ematen dion metagailuari.
Altzairu herdoilgaitza propietate bikainak dituen materiala da, askatze, oxidazio eta jalkitzeari dagokienez.
Bere gainazalean patina bat sortzen da modu naturalean, eta patina horrek babestu egiten du herdoiltzeak saihesteko, baita oso korrosiboak diren urak dituzten instalazioetan ere.

Hodibihurriko trukagailua
FUSION HT intermetagailuetan, hodibihurriko trukagailua dimentsionatzeko, kontuan hartu dira laneko tenperaturak eta bero ponpen emariak, ahalik eta truke termikorik handiena lortzeko, eta bero ponparen funtzionamenduan ziklo etenak saihesteko.
Sistema horrekin, metagailu osoa tenperatura homogeneoan mantentzen da, gune hotzak sortzea eragotzita, eta horrek zaildu egiten du legionella moduko bakterioak ugaltzea.

Isolamendua
FUSION HT moduluaren ur bero sanitarioaren metagailua termikoki isolatuta dago, moldean injektatutako poliuretanozko bits zurrun batekin. Modelo guztiek dute sarbide aho bat goiko aldean, eta, horri esker, errazago garbitzen da intermetagailua. Halaber, erresistentzia elektrikorako aurreikusitako hargune bat dauka.